ENG-MOHAMAD
عضو جديد
الكلية : الهندسة المدنية
القسم : الطبوغرافية
السنة الدراسية : الثالثة
الجنس : 
عدد المساهمات : 13
نقاط : 32
السٌّمعَة : 1
تاريخ التسجيل : 26/09/2010
 | | موضوع: تعريف بمواد السنة الثانية 26/9/2010, 3:51 am | |
| الفصل الأول :الفصل هذا عندكم 7 مواد و هي احصاء و احتمالات : تعطي هذه المادة الدكتورة ( صونيا سركيس ) رئيسة قسم الطبوغرافيا
الدكتورة حبابة كتير بس يتحب تعلق على الكبيرة و الصغيرة وشقد بتخجل طلاب قدام رفقاتن
المادة سهلة بس بدى شغل واذا صعبتلكن الامتحان الدورة النظامية فبتسهلا كتييييير دورة الحملة
وما حدى بيحملا للسنة البعدها وهي مادة معدل فشدو حالكن.......وبس
الفلك الكروي : يعطي هذه المادة الدكتور ( محمد سمونة) الدكتور لطيف وزغنطوط
بس المادة صعبة كتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتير و أنا لهلق ما طالعتا وطبعا الغلط مني
لأنو المادة بدى متابعة أول بالأول و ما بدى تقصير أبداً وهي المادة بتنعد أصعب مواد الفصل الأول
لا تهملوا أبداُ رجائي الأول و الأخير المادة هالسنة رح عيدها معكن من الأول ورح تشوفوني
...............وبس
رياضيات3 :المادة يعطيها المهندس ( جمال السراج ) المادة مو كتير صعبة
بس الشي الكويس بالمادة أنو الأمتحان بيجي نفس تمارين يلي بناخدا بالمحاضرات
وبنفس الصعوبة أو السهولة المهندس جدي شوي وما بحب المياطة بس عادل وبسرعة بنزل النتائج
لغة3 :يا سيدي المادة صعبة كتير وفيها كلمات كتيرة وجديدة أول مرة بتسمعو فيا لأنيتها لغة اختصاصية
و أنا بنصحكم أنو تشترو المادة من هلق وتدرسوا شوي شوي من هلق لوقت الامتحان لحتى ما يصير فيكو متل ما صار فيني
المادة بتعطيها أنسة طيبة كتير
معلوماتية1 أو برمجة 1 :المادة بيعطوها دكتورين (محمد رشاد الجمعة) و (محمد ) بس الاتنين
تقريبا متل بعضن عكل المادة بتتعلق أكتر شي بالاكسيل وشوية وورد و الامتحان مؤتمت والمادة الها وزن وبدا فهم
مواد بناء ؛ المادة بتتعلق بالماد الحصوية و البيتون وهيك شي نفس الكلمات يلي بيستخدمون عمال الباطون
المادة بالأول بيعطيكن دكتور ما بعرف شو اسمو بجيب نفس ما بيعطي يعني ما في داعي للكتاب بس احضروا مع الدكتور و كتبو
وراه وبعدين بصير بيعطيكن (مروان المحمود) هالدكتور ما براعي حدا ولازم تفهمو منو مسائل بلومي جيدا لأنو عليها كتير علامات
بالامتحان وبالعملي المعيدات لطيفات و القط بياكل عشاهن والمادة بدا شغل و دراسة.........وبس
مساحة1 :والله المادة كتتتتتتتتتتتتتتتتتتتتتتتتتتتير بسيطة مو لأنو المادة بسيطة بس لأنو الدكتور كتتتتتتتير بساعد الطلاب
و أحيانا بيحطينا مذاكرات بس لا تخافو بيعطينا الجواب يعني لازم تكون مادة معدل لأنو الدكتور طييييييييييب كتير أنا جبت بهالمادة 87
اذا بكن بس تنجحو بالمادة مافي داعي تدرسو واذا بكو معدل فلازم تدرسو شوي......بس
الفصل الثاني:هالفصل عندكم 7 مواد و هي : الري و الصرف : المادة بيعطيا الدكتور ( شوقي مسعد ) بقلك بتريد تحضر بتريد ما تحضر أنا شخصيا ما حضرت كتير
و بالعملي بتعطيكن معيدة لطيفة والمشاركة عندا بتهم وبتعطي علامات انتبهو المادة مادة معدل فلا تفوتوها عليكم والمادة بتحكي عن قنوات الري
قنوات الصرف ولها حساباتها بس بسيطة ما بتخوف ................وبس
هيدرولوجيا :المادة مي صعبة بس ما في شي تدرسو منو لأنو الدكتور ما بنزل محاضرات و الطلاب ما بيقدرو بيكتبو وراه لأنو بيحكي قصص
كتير عكل المادة نفس بتنعطا لطلاب الجغرافيا سنة 4 فروحو جيبو محاضرات هالمادة من مكتبة كشكول
لأنو نفس الدكتور بيعطي للجغرافيا................بس
مليت من الحكي بس شو بدي ساوي الله بعين كلو منشانكم
ميكانيك التربة : المادة بيعطيها الدكتور عميد الكلية المحترم :نوار كعدان
الدكتور بيعطي المادة كلها على القاعد وعلى جهاز الاسقاط بس الدكتور من الأشخاص الطيبين كتير وقليل بيحملو المادة
في كتاب ميكانيك بتشترو وهو بحددلكو المطلوب منو وعملي هالمادة ضروري كتير ففي عملي بالقاعة مهم وفي عملي بالمخابر
مو مهم كتير بس لازم تحضرو منشان الغياب ..................بس
اللغة4 : متل اللغة 3 بالضبط ما بتفرق عنها
رياضيات4: المادة بيعطيه المهندس (ياسر البيك ) المادة مي صعبة كتير والمهندس ما برسب حدا
وما بخلي حدى يحملا للسنة البعدها بس يلي ما بدو يدرس رح يحملا المادة فيا شوية وظائف بس بسيطة
.................بس
برمجة 2 : بيعطو هالمادة نفس دكاترة (برمجة 1 ) وهالمادة هي لغة البرمجة فيجول بيزك المادة صعبة شوي
بس بالمتابعة بتنفهم امتحان العملي سهل بس امتحان النظري بيجي صعب بس ادكاترة بساعدو بالتصحيح من شان ينجحو البشر
بدا شغل يعني بالمختصر ...........بس
بنجي هلق للمساحه المستوية : المادة ضخمة والدكتور (نسيان اسمو ) ما بسمع حالو بالمحاضرات وشكلو دائما عميضحك
وبدورتنا كانت أقل علامة عملي هي20 بس يلي علامتن 20 كتتتتتتتتتتتتتتتتتتتتتتتتتتتتتتتتتار وأكثر علامة هي 33 كانت بدورتنا
أنا لسا ما قدمت ولا مرة امتحان هالمادة بس رح عيد العملي معكن والله يعينا
المادة صعبة وفي شي بالعملي اسمو مشروع رح تشتغلو فيو طول الفصل .........و بس
أي استفسار حول المواد أو الكتب أو الدكاترة فأنا جاهز
| |
|
prince of love
مشرف أقسام الطبوغرافية
الكلية : الهندسة المدنية
القسم : هندسة طبوغرافيا
السنة الدراسية : الثالثة
الجنس :
عدد المساهمات : 5
نقاط : 5
السٌّمعَة : 0
تاريخ التسجيل : 22/01/2010
العمر : 34
| | موضوع: رد: تعريف بمواد السنة الثانية 27/9/2010, 1:05 am | |
| الله يعطيك العافية ومشكور كتيير عتعبك
بس في عندي ملاحظة مشان الري والصرف دكتور هي المادة تغير
والمادة رح تعتبر جديدة | |
|
ENG-MOHAMAD
عضو جديد
الكلية : الهندسة المدنية
القسم : الطبوغرافية
السنة الدراسية : الثالثة
الجنس :
عدد المساهمات : 13
نقاط : 32
السٌّمعَة : 1
تاريخ التسجيل : 26/09/2010
| | موضوع: رد: تعريف بمواد السنة الثانية 27/9/2010, 3:22 am | |
| الله يعافيك يا سيدي
بس منشان الري ما بعرف اذا تغير ولى لأ لأنو لسا ما داومنا لحتا نعرف | |
|
prince of love
مشرف أقسام الطبوغرافية
الكلية : الهندسة المدنية
القسم : هندسة طبوغرافيا
السنة الدراسية : الثالثة
الجنس :
عدد المساهمات : 5
نقاط : 5
السٌّمعَة : 0
تاريخ التسجيل : 22/01/2010
العمر : 34
| | موضوع: رد: تعريف بمواد السنة الثانية 27/9/2010, 12:18 pm | |
| معناتا انت ما كنت تحضر نظري
لانو الدكتور هو قال انو هي اخر سنة الو بتدريس هي المادة للطبوغرافيا | |
|
الريس
Admin
الجنس :
عدد المساهمات : 70
نقاط : 174
السٌّمعَة : 0
تاريخ التسجيل : 25/12/2009
الموقع : https://alep-civil-eng.yoo7.com
| | موضوع: رد: تعريف بمواد السنة الثانية 27/9/2010, 8:12 pm | |
| مشكورين جميعا على اهتمامكم وشكرا | |
|
