تعريف مواد الفصل الثاني

الفصل هاد عندكم سبع مواد وهي على النحو التالي:
اللغة 4: بتعطي هالمادة أنسة اللغات الثلاثة السابقة وطبعا اللغة 4 مثل اللغة 3 بالضبط مصطلحات كتيرة و جديدة فلابد من دراستها من أول الفصل منشان تلحقوها وما تنسوها طبعا هي اذا بدكن فيها معدل أما
إذا كان عكس ذلك متل حالتي فبيكفيها 3أيام قبل المادة حصرا 3 أيام بتطلع معكن بس بدون معدل
أنا جبت بهالمادة 64 بسسسسسسسسسسسسسسسسسسسسسسسسسسسسسسسس

مساحة مستوية :بيعطي هالمادة دكتور اسمو (عبد الرحمن لبابيدي ) دكتوراه من ألمانيا
المادة فيها قسمين : القسم الأول نظري بيعطيه الدكتور طبعا النظري ضخم و المادة صعبة والدكتور بساوي مذاكرات مفاجئة الدكتور عطول عبيضحك بس هذا لا يعني أنه ليس جدي بل على العكس بتبين جديتو بس بالامتحان ( فستذكرون ما أقول لكم )
القسم العملي عند المعيدين نفسن تبع المساحة 1 بس بهالفصل عندكم مشروع بدو شغل بس نصيحتي لا تتكلفو فيو كتير لأنو هالشي ما بهم وعلى إعتقادي أنو كل الشغل بالعملي ما بفيد لأنو بكرا بتشوفو أنو علامات العملي معطاة جزافا بدون ما تعرفو السبب على كلن بدورتي كان أقل واحد أخد بالعملي 20 و هدو تقريبا نص الدفعة و أكتر واحد 33 و هاد شخص واحد أن لسا حامل المادة و رح أعيدها معاكن و بسسسسسسسسسسسسسسسسسس

ميكانيك تربة : هالمادة كان يعطيها الدكتور المحترم (نوار كعدان ) عميد الكلية الحالي و ما بعرف إذا بدو يتغير أو رح يظل نفسو المهم المادة قسمين : الأول نظري بالقاعة بتشترو كتاب هالمادة شي 200 صفحة طبعا ما بتاخدو كلو درسو أول بأول لحتى تلحقو أو حددو شي 5 أيام قبل المادة
العملي قسمين : الأول بيعطيه المهندس ( معن ) معيد الجيولوجيا ( لازم تعرفوه ) بالقاعة وهو عباره عن مسائل بسيطة
الثاني : بتعطيه المهندسة ( عبير ) معيدة الجيولوجيا كمان في مبنى الجيولوجيا بس بغير مخبر 4 تجارب بسيطة


الفلك الكروي : بيعطي هالمادة الدكتور ( محمد علي سمونة ) الدكتور حباب كتير و المادة سهلة اذا تابعتوها و صعبة اذا أهملتوها بقى لا تساووا متلي و تهملوها لحتى ما تحملوها متلي أن رح أعيد المادة معاكن النظري الدكتور بنزل محاضرات و العملي عبارة عن مسائل تابعة للنظري والاثنين بيعطيهن الدكتور بالقاعة و بسسسس


البرمجة 2 : المادة بعطيها دكتورين ( محمد رشاد الجمعة ) و (محمد عبادي ) وهي لغة برمجة الفيجول بيزك 6
شي جديد بجديد المادة بتعتمد عالفهم يعني اذا فهمت بترتاح كتير وكمان اذا عندك مقدرة على الحفظ بصم بتطلع معك المادة طبعا المادة بدها متابعة بالنظري قبل العملي يعني الحضور مهم وبسسسسسسسسسسسسسسس

الرياضيات 4 : بيعطي هالمادة المهندس ( ياسر البيك ) المهندس محترم كتير و شغل شباب ويمكن يكون أحسن واحد بتتعاملو معو نسبة نجاح الطلاب بهالمادة بسنتي 100 بالمية يعني من الأخير المادة ما بتخوف يعني أتقنو التمارين يلي بيعطيها المهندس يتطلع معاكو المادة معدل ان شاء الله وبسسسسسسسسسسسسسسسسسسسسسس

الري و الصرف : من الأخير مادة سهل تجيبو فيها معدل بس بدها متابعة وبس
بصراحة لأنو مليت من الكتابة



أرجو الرد و لو بكلمة شكر